Şirəçəkən meyvə və tərəvəzlərin qida dəyərini itirmədən şirəsini sıxmağa imkan verən alətdir. Bütöv halda istehlak edə bilmədiyimiz miqdarda meyvələri sıxaraq şirəsini içə bilərik. Təzə sıxılmış şirələr metobolizmanı tənzimləyir, daha canlı, təmiz dəriyə sahib olmanıza kömək edir və zehninizi açır. Günə enerjili və yaxşı əhval-ruhiyyədə başlamaq üçün müntəzəm olaraq meyvə şirəsi istehlak etmək çox faydalı hesab edilir.
Şirəçəkən almazdan öncə onu hansı meyvə və ya tərəvəzlərdə istifadə edəcəyinizi dəqiqləşdirməlisiniz. İstifadə məqsədindən asılı olaraq şirəçəkənlər 3 növə bölünür: sentrifuqa şirəçəkənlər, sitrus şirəçəkənlər, şnek şirəçəkənlər. Sentrifuqa şirəçəkənlər ən populyar məhsullardır. Daha çox insan sağlam həyat tərzinə keçdikcə bu şirəçəkən maşınlara olan tələbat artır. Bu şirəçəkən modeli ilə siz 1-2 dəqiqə ərzində istənilən meyvə və ya tərəvəzdən şirə əldə edə bilərsiniz. İstifadəsi rahatdır: şirəsini çəkmək istədiyiniz meyvə və ya tərəvəzi maşına həm bütöv, həm də hissələr şəklində daxil edə bilərsiniz. Sentrifuqa şirəçəkənlər aşağıdakı üstünlüklərə malikdir: yüksək sürət, meyvələrin asan və rahat sıxılması, sərfəli qiymət, istənilən sərtlikdəki meyvələri emal etmək qabiliyyəti (bərk meyvə və tərəvəzlər üçün ayrıca şirəçəkənlər almağa ehtiyac yoxdur). Sitrus şirəçəkənlər isə daha yumşaq, C vitamini ilə zəngin meyvələr üçün nəzərdə tutulub. Bu şirəçəkən maşınlar həm mexaniki, həm də elektronik olur. Vau.az saytından onların növləri ilə tanış ola bilərsiniz.
Şirəçəkən maşın alarkən nələrə diqqət etməli?
- Şirəçəkən alarkən nəzərə alınmalı olan ilk məqam mühərrikin gücüdür. Çünki şirəçəkənlərin mühərrik gücü nə qədər yüksək olarsa, onlar meyvə və tərəvəzlərdən bir o qədər tez şirə alırlar. Bundan əlavə aşağı mühərrik gücü təklif edən modellər tez-tez istifadə olunarsa, qısa müddətdə sıradan çıxa bilər. Bu vəziyyətdən qaçmaq üçün yüksək mühərrik gücü təklif edən modelləri seçməlisiniz. Vau.az onlayn mağazasında yüksək mühərrik gücü təklif edən modellərlə tanış ola bilərsiniz.
- Hansı meyvələrdən və ya tərəvəzlərdən şirə çəkmək istəyirsiniz? Bunu müəyyənləşdirmək işinizi daha da asanlaşdıracaq. Bəzi şirəçəkənlər daha sərt və qabıqlı meyvələr üçün xüsusi bıçaqlar təklif edirlər. Bu, şirə hazırlamağı asanlaşdırır. Məhsulun təsvirində və ya instruksiyasında meyvə və tərəvəz növlərini araşdırmağı tövsiyə edirik. Bıçaqları çox sərt məhsullar üçün uyğun olmayan şirəçəkənlər bu meyvələrlə istifadə edildikdə nasazlıq yarada bilər. Unutmayın cihazınızın ömrü sizin təlimat üzrə istifadənizdən birbaşa asılıdır.
- Ardıcıl olaraq nə qədər meyvə götürəcəyi və ondan nə qədər şirə çıxaracağı kimi dəyərlərə baxmağınız məsləhət görülür. İşgüzar tipli yerlər üçün şirəçəkən alırsınızsa, işləmə müddətinə də diqqət yetirməlisiniz. Məişət şirəçəkənləri müəyyən vaxt ərzində müəyyən sayda stəkan şirə çıxara bilir. Müəssisələr üçün hazırlanmış məhsullar daha çox məhsul və daha uzun işləmə müddəti təklif edir.
- İş rejimləri və ya iş dərəcəsi şirəçəkən maşın üçün başqa bir vacib meyardır. Bu rejimlər sayəsində şirənizin necə olacağına siz qərar verə bilərsiniz. Tənzimləmə rejimləri ilə daha dənəvər və ya daha çox maye kimi seçimlər əldə etmək mümkündür.
- Şirəçəkənin hissələri asan təmizlən olmalıdır. Hissələri ayrılmayan və ya təmizlənməsi çətin olan maşınlar sizi həvəsdən sala bilər. Həmçinin üzərində kir toplayan cihazları da bir müddət sonra istifadə etmək istəməzsiniz. Ona görə də şirəçəkən axtararkən asan təmizlənən olmasını kriteriyalarınız sırasına daxil etməyi unutmayın.