Saçburanlar haqqında nələri bilməlisiniz?

Saçburan necə seçilməlidir? Hansı model daha yaxşıdır? Saçburan seçərkən nələrə diqqət edilməlidir? Yəqin ki, saçburan almaq istədiyiniz zaman bu suallar üzərində bir müddət düşünmüsünüz. Bir çox saçburan fen modelləri var və onlardan düzgün olanını seçməsəniz, arzuladığınız saç modelini əldə edə bilməzsiniz. Buna görə də saçınıza uyğun məhsulu seçmək çox önəmlidir. Gəlin hansı saçburan feni almalı olduğunuz haqqında ətraflı danışaq.

Buruq saç modeli əldə etmək üçün saç quruluşunuzla yanaşı saçınızın dalğasını necə etmək istədiyiniz də önəmlidir. Buruğun forması sizin seçiminiz olsa da, fen seçimi zamanı saç materialınızı da nəzərə almalısınız. Saçburan seçimi edərkən ilk öncə hansı qalınlıqda buruq istədiyinizi müəyyənləşdirin. Buruq üçün istifadə edilən fenlərin qalınlığı 9 mm-dən 50 mm-ə qədərdir və bu qalınlıqların hər biri fərqli növ qıvrım yaradır. Bununla belə ən ideal diametrlər 19 mm, 25 mm, 32 mm və 38 mm-dir. Sıx qıvrımlar üçün diametr qalınlığı daha dar, boş qıvrımlar v ya dalğalı saç istəyirsinizsə, daha böyük diametrli fenlər seçməlisiniz.

Fenlərin qalınlığına əsasən hansı buruğu əldə edə biləcəyinizi aşağıdakı şəkildən görə bilərsiniz.

Əgər nazik, düz saçlarınız varsa, onları dar diametrli saçburan (19 mm) ilə rahatlıqla bura bilərsiniz. Bu sıx qıvrımlar gün ərzində eyni qalmasa belə, saçlar formalı və həcmli görünür. Qıvrımların formasını itirməməsi üçün uyğun saça qulluq vasitələrindən istifadə edə bilərsiniz. Boş buruqlar yaradan böyük diametrli fenlər - 32mm, 38mm bu saç növü üçün uzunmüddətli dalğalar yarada bilir.

İncə uclu fenlər – 9 mm, 12 mm və 15 mm sıx qıvrımlar yaratmaq üçün mükəmməldir. Bu incə uclu fenlər çiyin uzunluğunda və daha qısa saçlara daha yaxşı forma verir. Bu fenlər həm də buruq saçlara forma vermək üçün istifadə oluna bilər. Düz saçlı insanlar da bu nazik buruqlarla təbii qıvrım görünüş əldə edə bilərlər.

Saçburandan ilk dəfə istifadə edəcəksinizsə, bütün saç tiplərinə uyğun olan 25 mm-lik modeli seçməyinizi tövsiyə edirik. Bu qalınlıq təbii qıvrımlar yarada bilər. Uzun saçlı xanımlar da daha çox 25 mm-lik buruq fenindən istifadə edir. Həmin model təbii və yumşaq qıvrımlar yaradır. Əgər saçınıza qıvrım yox, dalğalı forma vermək istəyirsinizsə, 32-38 mm fenlərdən istifadə edə bilərsiniz. Belə fenlər uzun və ya qalın saçlarda yaxşı nəticələr verir. Qısa saçlar üçün isə çox da uğurlu hessab edilmir. 38 mm-lik buruq fenləri uzun saçlar üçün idealdır. Daha geniş olan 50 mm-lik fenlər isə buruq yaratmaq üçün deyil, saç uclarına forma vermək üçün nəzərdə tutulub. 50 mm qalınlıqlı fenlər düz saçlar, saçlarına hərəkət vermək istəyən, lakin sıx dalğalar istəməyənlər üçün uyğundur.