Hava fenləri haqqında bilməli olduğunuz məqamlar!
Gözəl və sağlam saçlar hər kəsin arzusudur. Hava fenləri saç düzümündə bizə kömək edən əsas vasitələrdən biridir. Onlar həm də gündəlik həyatımızda ən çox istifadə etdiyimiz cihazlardan biridir. Buna görə də doğru saç qurutma feninin seçilməsi də çox vacibdir. Ən yaxşı saç fenləri ilə vau.az saytından tanış ola bilərsiniz. Hava feni axtarışlarına başladığınız zaman bir sıra seçimlər qarşınıza çıxacaq. Fərqli markalara məxsus məhsullar müxtəlif xüsusiyyətləri ilə seçilir. Ən yaxşı saç feni seçimi prosesini asanlaşdırmaq üçün sizə bəzi tövsiyələrimiz olacaq. Gəlin onlarla tanış olaq:
- Vatt gücünə diqqət edin!
Vatt hava fenlərinin nə qədər güclü olduğunun göstəricisidir. Buna görə də vatt nə qədər yüksək olarsa, hava feni o qədər güclü işləyir deməkdir. Daha yüksək gücə malik cihazlar bir az daha çox elektrik yandıra bilər, amma saçınızı aşağı vattlı fenlərdən daha tez qurudacaq. Çoxlu işlərinizin arasında saçınızı qurutmağa çox vaxt sərf etmək istəmirsinizsə, yüksək vattlı fenləri seçə bilərsiniz. Təbii ki, seçim sizdən asılıdır. Əgər daha az elektrik sərf etmək istəyirsinizsə, vatt gücü aşağı olan fenlərə üstünlük verə bilərsiniz.
- Cihazın çəkisini mütləq nəzərdən keçirin.
Yəqin ki, bu məqamın niyə vacib olmağı sizi düşündürü. Hava fenlərinin çəkisi ilk baxışda əhəmiyyətsiz görünsə də, uzun müddətli istifadədə mühüm rola malikdir. Ağır hava feninə üstünlük versəniz, saç qurutma müddətiniz uzandıqca yorulmağa başlayacaqsınız. Buna görə də saçınızı qurudarkən çox yorulmaq istəmirsinizsə, daha yüngül alternativ hava fenlərindən birini seçə bilərsiniz.
- Sürət və dərəcə parametrlərini gözdən qaçırmayın.
Hava feninizdə fərqli temperatur və sürət parametrlərinin olması işinizi asanlaşdıracaq. Məsələn, saçınızı qurutmaq üçün kifayət qədər vaxtınız varsa, çox yüksək istilik istifadə etmədən saçınızı quruda bilərsiniz. Ona görə ki, saçlar çox yüksək temperaturda quruduqda qırılma, aşınma və zədələnmə kimi hallar meydana gələ bilər. Saçlarınız yanmış ola bilər. İstilik parametrləri olan hava fenlərində özünüzə ən uyğun istilik rejimini təyin edə bilərsiniz. Sürət parametri fenin saçınıza üfürmə sürətinə aiddir. Sürətli qurutma istəyirsinizsə, bu parametri ən yüksək səviyyəyə qoymaqla vaxtınıza qənaət edə bilərsiniz. Burada belə bir məqam da var. Unutmayın ki, çox yüksək temperatur və çox yüksək sürət qəbulu saçınıza zərər verə bilər.
- Fenin hansı başlıqları var?
Bəzən hava fenlərindən yalnız saçı qurutmaq üçün istifadə edildiyi düşünülür. Hava fenlərinin modellərindən asılı olaraq fərqli başlıqları olur. Bu başlıqlar ilə saç düzümləri etmək mümkündür. Əgər siz buruq saç xoşlayırsınızsa, ona uyğun başlığı olan fenə üstünlük verə bilərsiniz. Fərqli başlıqlardan istifadə edərək saçınızı buruq, dalğalı və həcmli şəklə gətirə bilərsiniz.
- İon texnologiyasına üstünlük verin.
Hava fenləri üfürmə zamanı müəyyən miqdarda elektrik buraxır. Bu isə saçlarda şişməyə səbəb olur. İon texnologiyası ilə təchiz edilmiş fenlərdə isə bu hal baş vermir. Bu texnologiya sayəsində saçlarınıza hava üfürərkən elektrik enerjisi məhv edilir. Beləliklə, saçlarınız elektriklənmədən və şişməkdən də xilas olur.
Soyuq havalandırma daha faydalıdır.
Soyuq hava saçı daha az zədələyir və onun parlaqlığını qoruyur. Saçınızı qurutduqdan sonra soyuq hava ilə üstündən keçməyiniz tövsiyə edilir. Bu zaman saçınız daha sağlam və həcmli görünəcək.
Hava fenlərinin qiymətləri markadan markaya dəyişir. Modelin sahib olduğu xüsusiyyətlər də qiymətə təsir edən amillər sırasındadır. Ən yaxşı fen seçimi sizin tələblərinizə uyğun olan modeldir. Vau.az saytına daxil olaraq tələblərinizə cavab verən fen modelini seçə bilərsiniz.